Inscrivez-vous à la liste de diffusion
Vous serez informé de la sortie de chaque ouvrage. Vous ne manquerez rien de l’actualité de la série.
![](./images/couv_dyables.jpg)
1. Dyablès
"Kimoun ki té ké kwè on jou, nonm té ké touvé yo pè fanm an péyi Gwadloup ?"
On lè, fanm touvé-yo las pran kou anba men a nonm. On lè, yo désidé répliké é mèt-yo ka varé nonm, ka foré nonm, ka kyouyé nonm... A kou dan !
Ès sé chans ? Ès sé paskè fanmi a Jak té ja ka vwè pi lwen ? Kèlanswa, yo woté Jak lékòl pou mété édikasyon a-y an men a Klòd, on nonm bitako ka rété Bwamalè Bouyant, toutmoun ka kriyé Klòd-LèFou.
Men Jak ni tèt a-y é Klòd pa moun a pasyans. Èskè tigason-la ké ni tan aprann tousa i ni a aprann avan i two ta ? Ayen pa senten, é lèson dèyè poko mannyé.
![](./images/couv_channda.jpg)
2. Channda
"Ola sé Dyablès-la kay lawvwè yo ka pran montangn-la pou yo ?"
Jak ay aprann syans a Klòd a Bwamalè Bouyant, kifè i rivé rédé Gabriyèl ki té vin chèché sè a-y Jésika. Yo tou lé twa débaké aka Érik Fawnaz, gason a Émil é Sara. Men ola sé dé moun-la sa té fè ?
Magré Émil sé on nonm vayan é kòsto, pa té ni ayen i té pé fè lèwvwè Sara Fawnaz, madanm a-y vin anrajé é chayé-y asi do a-y.
Men a moman-lasa, Sara poko té sav té ni on bannélo fanm ki té ja pran montangn-la pou yo. Aki sé fanm-la sa ? Ès yo ké wouvè bwa pou-y pou yo rèsèvwa-y oben ès yo ké varé-y a tou a-y ?